18 дек 09:12
Янгиликлар

Бокс/ММА

Чемпионлик камари учун кечган Царукян иштирокидаги жанг муддатидан аввал якунланди (ВИДЕО)

Енгил вазн тоифаси UFC рейтингида биринчи ўринни эгаллаб турган келиб чиқиши арманистонлик бўлган Арман Царукян навбатдаги жангини ўтказди.

Россия Федерацияси пойтахти Москва шаҳрида аралаш яккакурашлар бўйича ACBJJ 20 турнири бўлиб ўтди. Грепплинг бўйича ташкил этилган оқшомнинг асосий жангида Арман Царукян АСА лигаси Гран-Приси ғолиби Мехди Байдуллаевга қарши баҳс олиб борди.

Беллашувнинг аксарият қисмида жангчилар тақиқланган зарбалар ва усуллардан фойдаланишди. Сал бўлмаса уларнинг ҳар иккиси ҳам дисквалификация қилиниши мумкин эди. Лекин жанг якунланишига 13 сония қолганида Царукян Мехди Байдуллаевни бўғиб қўйди ва ACBJJ "All Stars" чемпионлик камарини қўлга киритди.

Турнирнинг со-main event жангида Эдуард Вартанян жанговор жиу-житсу бўйича ўтказилган жангда Юсуф Раисовни очколар ҳисобига кўра мағлубиятга учратди. Грепплинг бўйича ўтган жангда UFC оғир вазн тоифаси вакили Александр Волков Евгений Гончаровни ҳакамлар қарорига кўра таслим этди.