"Чилимлар олиб келиш, ичиш ва чекиш". Қозоғистонлик боксчи терма жамоада бўлган ҳолатлар ҳақида гапирди

"2021 йилнинг август ойи охирида Бахтияр Артаев ва Марат Миктибеков базага учиб келишди. Қўриқчилар билан киришди. Бахтияр кириб шунчаки ўтирди - хеч нарса демади. Марат Миктибеков эса қарорни ўқий бошлади: "Қозоғистон Республикаси маданият ва спорт вазири номидан Ангелина Лукасни терма жамоадан четлатиш ҳақида...". Мен эса: "Нима учун?" дедим. Шокда эдим. Нима учун? Кўплаб турнирларда ғалаба қозондим. Аҳлоқ қоидаларини бузганим учун экан. 

Қарорни ўқиётганида диктофонни ёқиб қўйдим. Кейин буни қандай исботлайман? У қарорни ўқир экан, мураббийим ўрнидан туриб: "Сен менга терма жамоа "бардак" эканлигини айтгандинг".

Мен аҳлоқ қоидаларини бузган эканман, аммо нима учун терма жамоада Осиё ўйинлари, жаҳон чемпионатлари олдидан чилимлар олиб келишарди, ичишарди, чекишарди... 

Албатта мен бу нарсаларга ҳалал бермайман, аммо улар қизлар билан йиғилиб туришлари ҳақида хеч қачон гапирмаганман. Улар менга тегишмаса, мен ўз ишимни қиламан. Мана бу аҳлоқ қоидаларини очиқдан-очиқ бузиш. 

Терма жамоа спортчиси ўзини барча кузатаётганини била туриб, ичса ва чекса... "Агар бу йиғин пайтида бўлмаса, клубда, Алматида бўлса, майли, хеч қиси йўқ" деган. Буни раҳбар айтмоқда", - деди Лукас.