UZ

Сўнгги янгиликлар

13:35Ўзгача кўриниш! Филиппинлик боксчи вазн ўлчаш маросимига "Халк" бўлиб чиқди + ФОТО 0 13:34Шокин Германияда, эртага у операция қилинади ФОТО 0 13:02UFC 241 кечасининг бонус соҳиблари маълум 0 12:40Хабиб Кормьени қўллаб-қувватлади 0 12:18"Челси" "Рома"дан 25 миллион евро талаб қилмоқда 0 11:52Спортчилар ижтимоий тармоқларда 0 11:30Бокс. Қозоғистон терма жамоасининг ЖЧда иштирок этадиган таркиби эълон қилинди 1 11:02Россиялик теннисчи сенсацион тарзда Жоковични мусобақадан чиқариб юборди 0 10:42"Бейл бизга совринлар келтирган. У майдонга тушиши шарт" 0 10:19UFC 241. Кечанинг асосий жангида кутилмаган натижа қайд этилди 1 09:58UFC 241. Нэйт Диас Петтисга қарши жангни якунлади 0 09:33Эжени Бушар кетма-кет 11-мағлубиятини қабул қилиб олди 0 09:06Модрич фаолиятида илк марта тўғридан-тўғри қизил олди 0 08:43Гандбол: Навоийда қизлар ўртасида мамлакат чемпионати бошланди 0 08:21Линц ва Сегеддаги мусобақалар бизга Олимпия эшикларини очади...ми? 0

11 фев 10:29
Янгиликлар

Тадбирлар, Болалар спорти

Чирчиқда “Мен шу азиз Ватан фарзандиман!” шиори остида мусобақа ўтказилди

Чирчиқ шаҳридаги 5-умумий ўрта таълим мактабида “Мен шу азиз Ватан фарзандиман!” шиори остида “Қувноқ стартлар” спорт беллашувлари ўтказилди.

Спорт ҳафталиги доирасида ташкил этилган мазкур спорт беллашувларида мактабнинг юқори синф ўқувчилари ҳамда 16707-харбий қисмдан таклиф этилган бир гуруҳ аскарлардан иборат жамоалар иштирок этишди. 

Ўзига хос, ноанъанавий тарзда кечган мусобақанинг айнан аскарлар иштирокида ўтиши таълим даргоҳида тахсил олаётган ўқувчиларнинг харбийлар билан яқиндан мулоқот қилиши, уларнинг жасорат, мардлик ва ватанпарварлик руҳида камол топишига ундайди.

“Эстафетали югуриш”, “Жойидан туриб узунликка сакраш”, “Арқон тортиш”, “Турникда тортилиш”, “Тош кўтариш”, “Баскетбол тўпини саватга тушуриш”, “Армрестлинг” ва “Қоп ичига кириб эстафетали югуриш” шартлари бўйича куч синашишди. 

Кўтарингки руҳда, муросасиз ўтган мусобақанинг якунида 23 очко тўплаган харбий қисм аскарлари ғолибликни қўлга киритишди. Ўқувчиларнинг ҳам тош кўтариш, турникда тортилиш, армрестлинг каби шартларда аскарлардан қолишмаслиги йиғилганларнинг олқишига сазовор бўлди. 

Албатта, бундай маънавий тадбирларни, спорт беллашувларини муносиб тарзда ўтишида мактабда яратилган шарт-шароитлар муҳим аҳамиятга эга. Чирчиқдаги мазкур 5-умумий ўрта таълим мактабида ўқувчиларнинг сифатли таълим олишида, жисмоний тарбия ва спорт билан шуғулланишида барча қулайликлар яратилган. 

Боиси, 2018 йилда уч миллиард тўрт юз йигирма тўққиз миллион сўмдан ортиқ маблағ эвазига мактабда капитал таъмирлаш ишлари амалга оширилди.  Ўтган йилнинг 5 сентябрида тўлиқ фойдаланишга топширилган ушбу кўзни қувнатадиган, замонавий қиёфадаги таълим масканида иситиш тизими яхшиланган, куз-қиш мавсумига тўлиқ жавоб беради.  

Таъмирлаш доирасида спорт зали ҳам чиройли кўринишга келтирилган. Нишон Бобомуродов, Шахзод Умаров, Шерик Ушунбоев, Талғат Турғунов, Сарвар Асомиддиновлардан иборат жисмоний тарбия ўқитувчилари  томонидан спортнинг самбо, волейбол, кураш, стол тенниси, шахмат-шашка тўгараклари ташкил этилган. 

Шунингдек, дарслардан олдин ўқувчиларнинг эрталабки бадантарбия машқларини бажаришлари уларнинг соғлом турмуш тарзига амал қилиб, нафақат жисмоний балки ақлий баркамол авлод бўлиб вояга етишида муҳим восита бўлмоқда.

Илҳом РАҲМОНОВ тайёрлади    

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг