03 окт 16:00
Янгиликлар

Бокс/ММА

Чисорага рақиб изланмоқда, рўйхатда Поветкин, Валлин каби боксчилар бор

Британиялик супероғир вазн тоифасидаги боксчи Дерек Чисоранинг 26 октябрь кунига белгиланган жангига рақиб излашяпти.

Аслида шу куни Дерек Чисора Янги Зеландия вакили, собиқ жаҳон чемпиони Жозеф Паркерга қарши рингга чиқиши керак эди. Аммо, Паркерни захарли ўргимчак чақиб олди, шифокорлар эса унга уч ҳафта машғулот ўтказишни тақиқлаб қўйишди.

Чисоранинг промоутери Эдди Хирннинг айтишича, айни пайтда Жозеф Паркернинг ўрнига рақиб изланмоқда. Номзодлар орасида Александр Поветкин, Майкл Хантер, Оскар Ривас, Отто Валлин, Мануэль Чарр ва Мартин Баколе бор. Якуний қарор келаётган якшанба куни қабул қилинади.

Маълумот учун, Дерек Чисора ўзининг сўнгги жангини шу йилнинг июль ойида польшалик Артур Шпилькага қарши ўтказган ва рақибини иккинчи раундда нокаутга учратган эди.