Чортоқда бел олиш ва уч кураш бўйича Ўзбекистон чемпионати ўтказилмоқда

Ўзбекистон Республикаси Жисмоний тарбия ва спорт вазирлиги ҳамда Ўзбекистон Бел олиш ва уч кураш ассоциациясининг йиллик тақвим-режасидаги мазкур мамлакат чемпионатида Қорақалпоғистон Республикаси, Тошкент шаҳри ва барча вилоятлардан 400 нафарга яқин спортчилар ўз вазн тоифаларига кўра, ғолиблик учун беллашишмоқда.

Чемпионат регламентига мувофиқ, дастлаб бел олиш бўйича кучлилар номи аниқланди. -44 кг.да Аброр Рустамов (Сурхондарё), -48 кг.да Абдуазиз Рустамов (Тошкент ш.), -52 кг.да Ботирали Ёқубов (Фарғона), -52 кг.да Севинч Хабибуллаева (Андижон), +65 кг.да Рухсорабегим Жўрабоева (Фарғона) каби истеъдодли ёш спортчилар бел олиш курашнинг белгиланган йўналишларида   барча рақибларини енгиб, олтин медаль эгаларига айланишди.

Бел олиш кураши бўйича беллашувлар якунига етгач, ғолиб ва совриндорларни тақдирлаш маросими бўлиб ўтди. Шоҳсупадан жой олган ёш полвонлар диплом, медаль ва қимматбаҳо эсдалик совғалари билан мукофотланишди.

Мусобақа дастурига кўра бугун 2004-2005 йилларда туғилган ўғил-қизлар уч кураш бўйича мамлакат чемпионлиги учун баҳсларга киришади.