Чортоқдаги бел олиш ва уч кураш баҳсларида ғолиблар аниқланди

Чортоқ туманидаги болалар-ўсмирлар спорт мактабида бел олиш ва уч кураш бўйича 2004-2005 йилларда туғилган ўғил болалар ва қизлар ўртасида Ўзбекистон чемпионати якунланди.

Ўзбекистон Республикаси Жисмоний тарбия ва спорт вазирлиги ҳамда Ўзбекистон Бел олиш ва уч кураш ассоциациясининг йиллик тақвим-режасидаги мазкур мамлакат чемпионатида Қорақалпоғистон Республикаси, Тошкент шаҳри ва барча вилоятлардан 800 нафардан ортиқ спортчилар ўз вазн тоифаларига кўра, ғолиблик учун беллашишди.

Чемпионат регламентига мувофиқ, дастлаб бел олиш кураши бўйича кучлилар номи аниқланди. Шоҳсупадан жой олган ёш полвонлар диплом, медаль ва қимматбаҳо эсдалик совғалари билан мукофотланишди. Бел олиш кураши бўйича баҳслар якунига етгач, мусобақа дастурига биноан 2004-2005 йилларда туғилган ўғил-қизлар уч кураш бўйича мамлакат чемпионлиги учун баҳсларга киришди. 

Муросасиз ўтган беллашувларнинг якуний натижаларига кўра 41кг.да Озодбек Абдусалимов (Андижон), 44кг. да Сарвар Қосимжонов (Андижон), 60кг. да Бекзод Турсунов (Сурхондарё), 77кг. да Фазлиддин Орипов (Фарғона), 48кг. да Ҳилола Ортиқбоева (Сирдарё), 52кг. да Нилуфар Тожимуродова (Наманган), 56кг. да Маъсума Раҳматқулова (Сурхондарё) сингари ёш спортчилар ўз вазн тоифаларида барча рақибларини мағлубиятга учратиб, фахрли биринчи ўринларни эгаллашди. 

Кучли учликдан жой олган спортчиларга ташкилотчилар томонидан диплом, медаль ва эсдалик совғалари топширилди.

Илҳом РАҲМОНОВ тайёрлади