Чудинов Aзизбек Aбдуғофуровдан реванш олишни истайди

Кеча Москвадаги бокс оқшомининг марказий жангида очколар ҳисобига кўра мағлубиятга учраган Чудинов Aбдуғофуровдан реванш олишни хоҳламоқда.

"Мен ҳар бир раундда бор кучимни беришга ҳаракат қилдим. Ғалаба мендан узоқлашяптими ёки йўқми, деб ўйлаганим ҳам йўқ. Охирги икки раунд олдидан бурчагимдагилар менга катта эҳтимол билан ҳисоб тенг эканлиги ва бу раундларда ғалаба қозонишим кераклигини айтишди. 

Мен ушбу раундларда кучлироқ бўлдим ва рақиб шунчаки курашди. Жанг тугагач, менда ғалабамга ҳеч қандай шубҳа йўқ эди. Мураббийлар ҳам ғалаба қозонганимни айтишди, лекин ҳакамлар билан баҳслашиб бўлмайди. 

Ҳа, мағлубият ёқимсиз, лекин бу тажриба. Келажакда яхшироқ тайёрланаман. Мағлубиятлар сизни кучли қилади. Aгар рухсат берилса, реванш жангини ўтказишни истардим. Бундай тўқнашувда интрига кўпроқ бўлади", - деди Чудинов.