Циципас Мальоркада чемпионлигини ҳимоя қила олмади

Грециялик теннисчи Mallorca Championships турнирининг амалдаги ғолиби эди. У илк учрашувида рейтингнинг 48-поғонасида бораётган германиялик  Янник Ганфманнга 4/6, 6/3, 2/6 ҳисобларида ютқазиб қўйди. 

Теннисчиларнинг ўзаро учрашувларида Янник ҳисобда олдинга чиқиб олди - 2:1. Бир соату 46 дақиқа давом этган баҳсда Циципас 6, Ганфманн эса 5 та эйс зарбасини амалга оширган. Қўшхатолар иккала теннисчида ҳам 4 тадан бўлди.