Циципас Монте-Карло "Мастерс"и ярим финалига чиқди

Сайёрамизнинг бешинчи ракеткаси, грециялик Стефанос Циципас турнирнинг чорак финалида АТР рейтингида 16-ўринни эгаллаб турган аргентиналик Диего Шварцманни  6/2, 6/7, 6/4 ҳисобида мағлуб этди.   

Теннисчилар кортда 2 соату 45 дақиқа ҳаракат қилишди. Учрашув давомида 23 ёшли Циципас 4 та эйс, 4 та қўш хато ва 7 та брейк қайд этди. 29 ёшли Шварцман эса 2 та қўш хатога йўл қўйиб, 4 та брейкдан унумли фойдаланди. Спортчиларнинг ўзаро учрашувларида ҳисоб тенглашди. 

Циципас турнирнинг ярим финалида жаҳоннинг учинчи ракеткаси, германиялик Александр Зверевга қарши баҳс олиб боради.