12 дек 09:11
Янгиликлар

Дзюдо

Циндао “Мастерс”. Диёра иппон билан бошлади, Сардор эса ютқазиб қўйди

Циндао шаҳрида “Мастерс” сериясига кирувчи нуфузли турнирнинг биринчи кунги баҳслари давом этмоқда.

Ҳозиргина -52 кг вазн тоифасида юртимиз шарафини ҳимоя қилаётган Диёра Келдиёрова илк давра беллашувини якунлади. Ёшлар ўртасида жаҳон чемпиони бўлган вакиламиз бельгиялик Шарлин Ван Сникни иппон, яъни соф ғалаба эвазига мағлуб этди.

Афсуски, -66 кг вазн тоифасидаги иккинчи дзюдочимиз ҳам мағлубиятга учраб, мусобақадаги иштирокини якунлади. Сардор Нуриллаев биринчи босқич учрашувида бироз кутилмаганда италиялик Маттео Медвесга ютқазиб қўйди.