Citi Open бош соврини ва $350,755 кимга насиб этди?

Citi Open бош соврини дунёнинг 24-ракеткаси бўлиб турган Янник Синнерга насиб қилди. Италиялик 19 ёшли теннисчи 2 соату 52 дақиқа давом этган финал учрашувида рейтингнинг 107-поғонасидан жой олиб турган америкалик Маккензи Макдональдни 7/5, 4/6, 7/5 ҳисобларида мағлубиятга учратди. 

Синнер баҳс давомида 9 та, 26 ёшли Макдональд эса 5 та эйс зарбани амалга оширди. Бу теннисчиларнинг ўзаро ўтказган илк учрашуви эди. Citi Open турниридаги муваффақиятли иштирок Янник Синнерга 500 рейтинг очкоси ҳамда 350,755 доллар мукофот пули келтирди.