Cleveland Open. Истомин жуфтлик баҳсларида чорак финалга чиқди

Мусобақанинг мукофот жамғармаси 53 120 АҚШ долларини ташкил қилади. Мамлакатимизнинг биринчи ракеткаси Денис Истомин ушбу турнирнинг яккалик баҳслари илк даврасида ютқазгач, бор эътиборини жуфтликдаги иштирокига қаратган. 

Молдовалик Александр Козбинов билан тандем ҳосил қилган Денис турнирнинг 1/8 финал босқичида америкалик Арагоне ва канадалик Брэйден Шнур тандемига қарши кортга чиқди. Уч сет давом этган баҳсда Истомин/ Козбинов ҳамкорлиги рақибларини 0/6, 7/5, тайбрекда 10/8 ҳисобида мағлуб этди.

Эслатиб ўтамиз, Денис Истомин мусобақанинг яккалик баҳслари илк даврасида турнирда учинчи рақам остидан таснифланган япониялик Ёсихито Нисиокага икки сетда ҳам бир хил ҳисобда имкониятни бой бериб қўйган эди - 1/6, 1/6.