02 фев 09:28
Янгиликлар

Теннис

Cleveland Open. Истомин япониялик рақибига 1/6, 1/6 ҳисобида ютқазди

Мамлакатимизнинг биринчи ракеткаси Денис Истомин бу ҳафта АҚШнинг Кливленд шаҳрида ўтказилаётган "Челленжер" турнирида иштирок этяпти.

Cleveland Open турнирининг мукофот жамғармаси 53 120 АҚШ долларини ташкил қилади. Афсуски, ҳамюртимиз мусобақанинг илк даврасидаёқ турнирда учинчи рақам остидан таснифланган япониялик Ёсихито Нисиокага икки сетда ҳам бир хил 1/6 ҳисобида имкониятни бой бериб қўйди.

Эллик етти дақиқа давом этган учрашувда иккала теннисчи ҳам эйс зарбасини амалга оширишмаган. Кунчиқар юрт теннисчиси 1 та, Истомин эса 3 та қўшхатога йўл қўйган. Нисиока ATP рейтингида 123, Истомин эса 266-ўринни эгаллаб турибди. Энди Денис бор эътиборини жуфтликдаги иштирокига қаратади.