Coca-Cola Суперлигаси. Бугун Навоий ва Олмалиқда ўйин бор

“Қизилқум” – “Насаф”

14 сентябрь 2019 йил. Навоий, "Ёшлар" стадиони. 18:30

Ҳакамлар: Азиз Асимов, Руслан Серазетдинов, Равиль Шояхмитов, Раҳимбек Каримов

Ўтган турда сафарда ўйнаган ва мағлуб бўлган клублар ўртасидаги баҳс. Бу икки клуб Ўзбекистон чемпионатида жами 41та ўзаро ўйин ўтказишган. 24 марта "аждарлар" ғолиб бўлишган. 10та учрашувда дуранг кузатилган ва 7 марта "Қизилқум"нинг қўли баланд келган.

Биринчи даврада Қаршида кечган учрашувда 1:1 ҳисоби қайд этилган эди. "Аждарлар" сафардаги охирги иккита учрашувда ҳам мағлуб бўлди. "Қизилқум" ўз майдонидаги охирги бешта учрашувда фақат бир марта ғалаба қозонди холос.

Маълумот учун, ортда қолган 18та турда Суперлигада энг кўп гол ўтказган клуб - "Қизилқум" (37 та).

АГМК – “Динамо”

14 сентябрь 2019 йил. Олмалиқ, ОКМК стадиони. 18:30

Ҳакамлар: Жасур Мухторов, Бахтиёрхўжа Шавкатов, Ришат Нугманов, Равшан Абдивоҳидов

Миржалол Қосимов бошчилигидаги клуб Даврон Файзие бошчилигидаги клуб билан ўйнайди. Бу жамоа клуб Ўзбекистон чемпионатида ўзаро 19та ўйин ўтказишган. 7 марта Самарқанд клуби ғолиб чиққан, 8 бор АГМК зафар қучган. 4та учрашувда дуранг қайд этилган.

Дастлабки даврада Самарқандда ўтган ўйинда "Динамо" 1:0 ҳисобида ғалаба қозонган эди. "Динамо"нинг Суперлигадаги мағлубиятли серияси олтита ўйинга етди. Иккинчи даврада барча бешта ўйинда ютқазган ягона клуб айнан "Динамо" ҳисобланади. АГМК эса охирги икки турда икки марта мағлубият аламини тотиб кўрди ва умуман гол ура олмади.

Қизиғи, бу клублар Ўзбекистон Лига кубоги ярим финалида ҳам ўзаро ўйин ўтказишади.