07 май 12:52
Янгиликлар

Бокс/ММА

Цзю иштирокидаги жанг муддатидан олдин якунланди

Австралиянинг Ньюкасл шаҳрида профессионал бокс оқшоми бўлиб ўтди.

Унинг асосий жангида мағлубиятга учрамаё келаётган австралиялик биринчи ўрта вазн тоифаси (69,9 кг гача) вакили Никита Цзю испаниялик Оскар Диасга қарши рингга кўтарилди. Олтинчи раундда Цзю рақибини техник нокаутга учратди. Яна ҳам аниқроғи, Оскар жангни давом эттиришдан бош тортди.

Маълумот учун, 28 ёшли Никита Цзю собиқ мутлақ жаҳон чемпиони Костя Цзюнинг ўғли ҳисобланади. 2022 йилда профессионал рингда дебют қилган. Унинг ҳисобида 12 та ғалаба (10 та нокаут) бор.