24 янв 12:58
Янгиликлар

Теннис

Дадабоев Анталия турнири саралашини ғалаба билан бошлади, Султонов асосий тўрда ўйнайди

Туркиянинг Анталия шаҳрида теннис бўйича "Фьючерс" туркумига кирувчи турнирнинг саралаш баҳслари бошланди.

Мукофот жамғармаси 15 000 АҚШ долларини ташкил этувчи мусобақада икки ҳамюртимиз ҳам ўз омадини синовдан ўтказади. Азиз Дадабоев саралашда иштирок этаётган бўлса, Ҳумоюн Султонов тўғридан-тўғри асосий тўрдан баҳсларга киришади.

Кеча Дадабоев саралашнинг илк босқичида еттинчи рақам остида таснифланган австриялик Филип Бачмайерни 6/2, 7/6 ҳисобида мағлубиятга учратди. Бугун у туркиялик Тунчай Дуранга қарши кортга чиқади.