24 мар 15:32
Янгиликлар

Бокс/ММА

Дана Уайт Жон Жонснинг янги баёнотига кескин жавоб қайтарди

UFC президенти Дана Уайт ярим оғир ва оғир вазн тоифасида собиқ UFC чемпиони Жон Жонсга Оқ уйдаги жанги бекор бўлгани ҳақидаги янги баёнотини жавобсиз қолдирмади.

Аввалроқ унга Оқ уйдаги UFC турнири кардида жанг қилиш учун 15 миллион доллар таклиф қилишганини айтган эди.

"Жон Жонс ҳеч қачон Оқ уйдаги турнирда жанг қилмаслиги керак эди. Яна қанча такрорлашим керак? Мен бу ҳақда сўзлаб бериш учун икки марта матбуот анжумани ўтказдим. Бу йигитлар [UFC матчмейкерлари] ушбу тадбирда иштирок этиш мумкин бўлган барча жангчиларни қидиришди. Қанчалик қимматга тушмасин, уни ҳеч қачон турнирга қўшмаган бўлардим. Жон Жонс ҳеч қачон Оқ уйдаги турнирда жанг қилмаслиги керак эди", - дея Уайтнинг сўзларини келтиради talkSPORT портали.