Дана Уайт саралаш шоусининг 10-мавсуми бошланди: тўрт жангчи UFC`дан шартнома олди

Турнир якунларига кўра, тўрт нафар жангчи дунёнинг энг кучли лигаси билан шартнома имзолашга муваффақ бўлди. Америкалик ўрта вазн вакили Жозеф Кропшот оқшомнинг илк жангида ҳакамларнинг якдил қарори билан ватандоши Жонатан Куннеманни мағлуб этиб, шартномага эга чиқди. 

Дана Уайтнинг сўзларига кўра, у Кропшотга шартнома бериш-бермаслик борасида иккиланган, бироқ жангнинг сўнгги сонияларидаги "армбар" (қўл бўғиш) усули ва рақибининг тирсаги чиқиб кетиши унга ташкилот рўйхатидан жой олишни таъминлади.

Шунингдек, муддатидан олдин ғалаба қозонган яна уч нафар америкалик жангчи – ярим енгил вазн вакили Том Паляруло, энг енгил вазн вакили Билал Ҳасан ҳамда оқшомнинг марказий жангида энг тезкор ғалабани қайд этган оғир вазнли Энтони Винт ҳам UFC билан шартнома имзолади.

Dana White's Contender Series турнирининг барча натижалари:

Энтони Винт Мэттью Адамсни техник нокаутга (зарбалар) учратди – 1-раунд, 0:34

Эйб Альсагир Фабрицио Эскаррегани ҳакамларнинг айри қарори эвазига ютди (27-30, 29-28, 29-28)

Билал Хасан Мридул Сайкияни техник нокаут (зарбалар) эвазига мағлубиятга учратди – 1-раунд, 0:45

Том Пальяруло Ананиас Мулумбани техник нокаут (зарбалар) билан енгди – 3-раунд, 4:24

Жозеф Кропшот Жон Куннеманни ҳакамларнинг якдил қарори билан таслим этди (29-28, 30-27, 30-27)