Дана Уайт UFC жангчиларига: "Овозингизни ўчиринг ва жанг қилинг!"

"Пуллик жанглар ҳақидаги гап-сўзлардан чарчадим. Менга пуллик жанг керак, мен шунча пул учун жанг ўтказаман... Нима сиз Конормисиз ёки у билан жанг қилмоқчимисиз? Юз фоиз ишончим комил, Макгрегор жанг қиладиган турнир аренани тўлдиради, чипталар қандайдир дақиқаларда сотилиб кетади. Пуллик трансляциялар катта даромад келтиради. Сиз ҳам шундай қила оласизми? Конор бўла олмас экансиз, овозингизни ўчиринг! Пуллик жангчи бўлсангиз, пулни ўзи сизни қучиб юради. PPV (пуллик трансляция) юлдузи эмасмисиз, демак яна бир бор қайтараман, овозингизни ўчирингда, жанг қилишда давом этинг!", - деди Уайт. 

Эслатиб ўтамиз, 33 ёшли Конор Макгрегор UFC промоушени тарихидаги энг даромадли 10 та жангдан 8 тасида октагонга кўтарилган. Унинг иштирокидаги 6 та жанг молиявий рейтингда биринчи олтинчигача бўлган барча ўринларни банд этган.