Даниил Дубай турнири финалига чиқа олмади

Дунёнинг тўртинчи ракеткаси Даниил Медведев финал остонасида тўхтатилди. Россиялик теннисчи 1 соату 51 дақиқа давом этган 1/2 финал баҳсида ATP рейтингида 18-ўринни эгаллаб турган франциялик Уго Умберга 5/7, 3/6 ҳисобида имкониятни бой бериб қўйди. 

Бу билан Уго теннисчиларнинг ўзаро учрашувларидаги ҳисоб мувозанатини ҳам тиклади - 2:2. Медведев 6, Умбер 4 та эйс зарбасини ижро этган. Қўшхатолар бўйича Даниил мутлақ устун - 4 га 0. Брейклар табиийки, Умберда кўпроқ бўлди - 3 га 1. Энди у бош соврин учун қозоғистонлик Александр Бубликка қарши кортга чиқади.