09 ноя 11:08
Янгиликлар

Бокс/ММА

Дастин Порье UFC'га ультиматум қўйди + ФОТО

Енгил вазн тоифасида UFC чемпионлик камарига даъвогар Дастин Порье кеча ташкилотга мурожаат билан чиқди.

Спортчи Twitter'га жойлаган постида UFC унга ёки чемпионлик жангини бериши ёки у фаолиятини якунлашини ёзган.

Аввалроқ, Порьенинг ўзи UFC 294 турнирида Ислам Махачевга қарши чемпионлик жангини ўтказиши юзасидан таклиф бўлгани, аммо якунда, жанг Волкановскига берилганини айтган эди.

Қизиғи, Дастин сўнгги жангини BMF камари учун Жастин Гэтжига қарши ўтказиб, муддатидан олдин мағлуб бўлган эди. Шунингдек, Порье олдинроқ 2024 йилда ўтказиладиган UFC 300 юбилей турнирида жанг қилиш ниятида эканини маълум қилган эди.