Дастин Порье: Хабиб билан жангда қасосни биринчи ўринга қўймайман

"Хабибни мағлуб этган илк жангчига айланмоқчиман. Ҳатто, ўртада чемпионлик камари бўлмаса-да, мен бу ишни амалга оширишни ният қилганман. Ҳозиргача ҳеч ким чиқа олмаган чўққини забт этмоқчиман. Авлодим пулдан қийинчиликка дуч келмаслиги учун ҳам бу вазифани уддалашим керак. Бу тарихий воқеа бўларди. 

Мен бу жангда реванш ёки қасосни биринчи ўринга қўймайман. Оилам бор ва мен ҳар бир ишга бизнес сифатида қарайман. Ёш пайтимда шундай тушунчалар бор эди. Ўшанда мени мағлуб этган Конор Макгрегордан қасос олиш истагида ёнардим. Лекин ўша мағлубиятлар ҳам менинг фойдамга бўлган экан. Мағлубиятлардан тўғри хулоса чиқардим ва улар мени янада кучли қилди", — деди Порье.

Эслатиб ўтамиз, ўтган йили БААда ўтган жангда Хабиб Нурмагомедов Дастин Порьени мағлубиятга учратган эди. Порье бу интервьюсида Хабиб билан такрорий жанг бўлишига умид қилмоқда. Лекин ундан аввал бу ишни Жастин Гэтжи ҳам амалга ошириб қўйиши мумкин.