06 фев 21:54
Янгиликлар

Дзюдо

Давлат Бобонов ҳам "Катта Дубулға" бронза медали совриндори!

Париж татамиларида "Катта Дубулға" туркумига кирувчи нуфузли мусобақанинг иккинчи кунги баҳслари давом этмоқда.

Ҳозиргина -90 кг вазн тоифасидаги дзюдочимиз Давлат Бобонов курашсиз мусобақанинг бронза медалини қўлга киритди. Токио Олимпиадаси бронза медали совриндорининг рақиби грузиялик Бека Гриниашвили ярим финалда тақиқланган ҳаракат учун хансоке, яъни жазо олгани учун тамига чиқмади.

Натижада автоматик равишда ғалаба Бобоновга тақдим этилди. Бу терма жамоамизнинг ушбу мусобақадаги иккинчи бронза медали бўлди. Бироз аввал -81 кг вазн тоифасидаги дзюдочимиз Шарофиддин Болтабоев ҳам бронза медалига сазовор бўлган эди.