Дебют ўйинида "Ипсвич"ни юта олмаган МЮ бош мураббийи Аморим нималар деди?

Учрашув якунланганидан кейин меҳмонлар устози Рубен Аморим дебют учрашуви ҳақидаги фикрларини билдирди.

"Ҳозирги вақтда биздан нималарнидир кутиш имконсиз. Бугунги ўйин биз учун сюрприз бўлмади. Учрашувда футболчиларим ҳаракат қилганликларини кўрдим, улар ғалаба учун интилишди. Қийин пайтда ҳам улар биз истаётгандек ўйнашга интилишяпти.

Ҳозирги ҳолатимиз мухлисларга ёқмаслиги аниқ. Бироқ биз аста-секин, турдан-турга кучайиб борамиз ва шундан сўнг ғалабалар келади. Бунинг учун эса маълум муддат керак бўлади. Битта нарсани тушунишингиз керак, биз эндигина иккита машғулот ўтказдик.

Бугунги баҳсда Онана бўлмаганида мағлуб бўлишимиз ҳам мумкин эди", — деди Аморим.