18 мар 10:44
Янгиликлар

Теннис

Дель Потро Индиан-Уэллс турнирининг иккинчи финалчиси

Аргентиналик теннис юлдузи Хуан Мартин Дель Потро АҚШнинг Индиан-Уэллс шаҳрида якунига етиб бораётган “Мастерс” турнирининг финалига йўл олди.

Соврин жамғармаси 8 909 960 долларни ташкил қилувчи турнирнинг ярим финалида дунёнинг саккизинчи ракеткаси бўлган Потро канадалик Милош Раоничга қарши кортга чиқди.

Бир соату 5 дақиқа давом этган учрашувда аргентиналик теннисчи 6:2, 6:3 ҳисобида зафар қучди. Энди у бугун ҳал қилувчи финал ўйинида дунёнинг биринчи ракеткаси швейцариялик Рожер Федерерга қарши баҳс олиб боради.