23 июн 05:33
Янгиликлар

Футбол

Дембеле "Барселона"да қолади

"Барселона" франциялик вингер Усмон Дембелени ўз сафида сақлаб қолишга яқин турибди.

Журналист Хави Мигелнинг сўзларига кўра, қийин ўтган музокаралардан сўнг томонлар келишувга эришган.

Инсайдернинг сўзларига кўра, "кўк-анорранглилар" "Челси", ПСЖ ва "Манчестер Юнайтед" клублари даъвогарлик қилаётган 25 ёшли футболчи билан янги битим тузишига бир қадам қолган.

Эслатиб ўтамиз, Дембеле 2017 йилнинг августида Дортмунднинг "Боруссия"сидан "Барселона"га ўтганди. Унинг клуб билан амалдаги шартномаси шу ойнинг охирида якунланади.

Усмон ўтган мавсум каталонияликлар сафида 32 ўйинда майдонга тушиб, 2 та гол урди ва 13 та голли узатмани амалга оширди.