Дембеленинг нархи ёзда юқори бўлмайди

Фабрицио Романонинг сўзларига кўра, "Барселона" вингери Усмон Дембелени сотиб олмоқчи бўлганлар нисбатан кам миқдордаги сумма – 50 миллион еврога интилишлари керак. Бундай рақамлар францияликнинг 2024 йилнинг ёзига қадар амал қиладиган шартномасида кўрсатилган.

Бироқ Усмон Дембеленинг ўзи "Барселона"да қолишни истамоқда. У Хави билан тил топишиб олди ва иқтидорини исботлади. Янги шартнома бўйича музокаралар бошланмади, бироқ нафақат футболчи, балки клуб ҳам ҳамкорлик давом этишини хоҳлайди.