Денис Истомин Испаниядаги иштирокини ғалаба билан бошлади

Хабар берганимиздек, ушбу мусобақада мамлакатимизнинг биринчи ракеткаси Денис Истомин ҳам иштирок этяпти. Денис кетма-кет мағлубиятлардан сўнг ниҳоят ғалаба қозона олди. Ҳамюртимиз турнирнинг 1/16 финал босқичида франциялик Кириан Жакега қарши кортга чиқди. 

Ушбу баҳс якунига етмай қолди. Жаке учинчи сетнинг бешинчи геймидан сўнг жароҳати сабаб учрашувни давом эттира олмаслигини маълум қилди. Бу пайтга келиб, Истомин 6/2, 4/6, 3/2 ҳисобида олдинда бораётганди.  

Таққослаш учун, Истомин ATP рейтингида 224, Жаке эса 305-ўринни эгаллаб турибди. Биринчи ракеткамизнинг нимчорак финалдаги рақиби қозоғистонлик теннисчилар - Денис Евсеев ва Жмитрий Попко баҳсидан сўнг маълум бўлади. Ушбу учрашув бугун Тошкент вақти билан соат 14:30дан кейин бошланади. Попко ATP рейтингида 165, Евсеев 406-поғонадан жой олган.