24 янв 11:34
Янгиликлар

Теннис

Денис Истомин Огайодаги турнирда иштирок этади

Бугун АҚШнинг Огайо штати Коламбус шаҳрида "Челленжер 80" туркумига кирувчи турнир бошланади.

Мукофот жамғармаси 53,120 АҚШ долларини ташкил этувчи "Columbus Challenger 80" мусобақасида ҳамюртимиз Денис Истомин ҳам ўз имкониятини синовдан ўтказади.

Мамлакатимизнинг биринчи ракеткаси қуръа натижасига кўра асосий тўрнинг илк даврасида саралаш босқич ғолибларидан бирига қарши кортга чиқади. Ғалаба қозонган тақдирда катта эҳтимол билан иккинчи босқичда америкалик Женсон Бруксбига қарши баҳс олиб боради.

Маълумот учун, Бруксби турнирнинг биринчи ракеткаси бўлиш билан бирга айни пайтда ATP рейтингида 58-ўринни эгаллаб турибди. Женсон илк даврада ҳамюрти Мишель Крюгерга қарши кортга чиқади.