UZ

Сўнгги янгиликлар

15:10"Манчестер Юнайтед" "Реал" футболчиси учун 58 миллион евро тўлашга тайёр 0 14:52UFC Fight Night 148: Асосий жанг иштирокчилари тарозига чиқишди 0 14:29Кубрат Пулев, Богдан Дину, Максим Дадашев тарозига чиқди ФОТО 0 14:08Жаҳон кубоги. Йоханнес Бе спринт пойгасида ғолиб бўлди 0 13:50Спортчилар ижтимоий тармоқларда 0 13:32"Барселона" Коутиньони 100 млн. еврога сотиши мумкин 0 13:09Шквирин томоша қилган хоккей учрашувидан ФОТОГАЛЕРЕЯ 0 12:48Фируза Шарипова: Кейинги жангимни Назарбаевга бағишлайман 0 12:32Кличко Александр Усикка ёрдам бермоқда ФОТО 0 12:09Жиру қачон терма жамоадан кетиши маълум бўлди 0 11:50Свитолина Майами турнирининг иккинчи даврасида мағлуб бўлди 0 11:27Макгрегор Холлоуэй, Порье ва Алдога шарт қўйди 0 11:06Рио Олимпиадасида қатнашган ўзбек боксчиси бугун проф рингда дебют қилади 2 10:48Месси Марокашга қарши ўйнамайдиган бўлди 0 10:23 Bellator 218. Токов ғалаба қозонди ва чемпионни жангга чорлади 0

01 дек 16:50
Янгиликлар

Теннис, Қизиқарли!

Денис Истомин учун мавсум қандай ўтди? Ҳамюртимиз йил давомида қанча пул ишлади?

Мана кўз очиб-юмгунча 2018 йил ҳам ўз поёнига етиб бормоқда.

Бугун биз сиз билан мамлакатимизнинг биринчи рақамли теннисчиси Денис Истомин ушбу мавсумни қандай ўтказганлиги ҳақида қисқача таҳлил қилиб ўтамиз.

Истомин учун бу йил омадли келди десак муболаға қилмаган бўламиз. Гарчи, "Катта дубулға" мусобақаларида яхши натижаларни қайд эта олмаган бўлсада, биз яхши биламизки ҳамюртимиз тажрибаси эвазига бошқа турнирларда яхшироқ иштирок этиб, доим рейтингдаги балансни ушлаб тура олади ва кучли юзликнинг доимий вакили ҳисобланади. Истомин бу мавсум Брисбен ва Штутгарт шаҳарларида бўлиб ўтган ATP 250 турнирлари чорак финалигача, Австриянинг Кицбюэль шаҳридаги турнирни саралашдан бошлаган бўлсада, финалга қадар етиб борди ва ҳал қилувчи баҳсда словакиялик Мартин Клижанга 2:6, 2:6 ҳисобида ютқазди ва вице-чемпионга айланди. АҚШнинг Чикаго ва Қозоғистоннинг Астана шаҳарларида бўлиб ўтган "Челленжер" мусобақаларида зафар қучди.


Денис Истомин бу мавсумда умумий ҳисобда (Девис кубоги, АТP, "Челленжер") яккаликда 55 маротаба (29 ғалаба, 26 мағлубият), жуфтликда эса 14 маротаба (6 ғалаба, 8 мағлубият) кортга чиқди. Ундан ташқари 19-25 август кунлари Индонезиянинг Палембанг шаҳрида Осиё ўйинлари доирасида барча рақибларини мағлубиятга учратиб, тўрт йил аввалги кумушни олтин медалга айлантира олди.


Истомин бу йил АТP мусобақаларида умумий 493,370 АҚШ доллари пул мукофоти ишлаб олди. Фаолияти давомидаги жамғарган пул мукофотлари қиймати эса 5,860,155 АҚШ долларига етди. Ушбу мавсумни жаҳон рейтингида 93-ўринда якунлади.

Келаётган 2019 йилги мавсумни қаҳрамонимиз Ҳиндистоннинг Пуна шаҳрида бўлиб ўтадиган АТP 250 мусобақасида бошлайди ва кейин катта эҳтимол билан Австралияга йўл олади. Ҳамюртимизга келаётган мавсумда улкан зафарлар тилаб қоламиз!

Ҳусниддин Мирзалиев

Рейтинг: +3   

Ўхшаш янгиликлар

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг