17 май 13:19
Янгиликлар
Теннис
Денис Истоминда кутилган натижа
Хабар берганимиздек, Қозоғистоннинг Чимкент шаҳрида "Shymkent II Challenger 80" турнири бўлиб ўтяпти.
Мусобақада ўз имкониятини синовдан ўтказаётган мамлакатимизнинг биринчи ракеткаси Денис Истомин бироз аввал 1/16 босқичдаги учрашувини якунлади.
Афсуски, мамлакатимизнинг биринчи ракеткаси германиялик Себастиан Фанселовга қарши баҳсда 1/6, 4/6 ҳисобида имкониятни бой берди ва мусобақани тарк этди.
Учрашув 1 соату 23 дақиқа давом этган. Бу теннисчиларнинг ўзаро иккинчи учрашуви эди. Спортчилар ўртасидаги илк баҳс АҚШнинг Коламбус шаҳридаги "Челленжер" турнирининг 1/16 финал босқичи доирасида бўлиб ўтган ва ўшанда Истомин Себастьянни 7/5, 1/6, 6/4 ҳисобида мағлубиятга учратган эди.
Таққослаш учун, Истомин айни вақтда АТР рейтингида 303, Фанселов эса 318-ўринни эгаллаб турибди. Денис Чимкент турнирида еттинчи рақам остида сараланган эди.
Ҳавола :
Манба : olamsportcom
Фикрлар