Денис Истоминнинг чорак финалдаги рақиби маълум бўлди

Соврин жамғармаси 50 000 АҚШ долларини ташкил қилувчи ушбу турнирда ҳамюртимиз Денис Истомин биринчи рақам остида ҳаракат қиляпти. Осиё ўйинлари ғолиби бугун турнирнинг иккинчи даврасида мисрлик Муҳаммад Сафватни 6:2, 6:1 ҳисобида мағлуб этганди. 

Бундан бир неча дақиқа аввал Истоминнинг чорак финалдаги рақиби маълум бўлди. Турнирнинг еттинчи ракеткаси сифатида таснифланган сербиялик Миомир Кечманович 2 соату 36 дақиқа давом этган учрашувда польшалик Камил Майхржакни 7:6(5), 4:6, 7:6(1) ҳисобида мағлубиятга учратди. 

Таққослаш учун, Денис Истомин дунё рейтингида 103, Миомир Кечманович эса 163-ўринни эгаллаб турибди. Теннисчилар шу кунгача ўзаро турнирларда бир маротаба тўқнаш келишган. Шу йил 23 март куни Майамида ўтган баҳсда Истомин рақибидан устун келганди.