17 ноя 13:19
Янгиликлар

Бокс/ММА

Деонтей Уайлдер: Жошуа на мени ва на Фьюрини мағлуб эта олади

Профессионал бокснинг супероғир вазн тоифасида WBC йўналиши чемпиони Деонтей Уайлдер британиялик ҳамкасби Энтони Жошуанинг имкониятларини жуда паст баҳолади.

Америкалик чемпионнинг сўзларига қараганда, Жошуа бу дивизиондаги энг кучли боксчи эмас. Энтони айни пайтда IBF, WBA, WBO ҳамда IBO чемпионлик камарларини ўз қўлида сақлаб турибди.

“Ўйлашимча, Фьюри билан жангимиз ғолиби ўзини супероғир вазн тоифасининг энг кучли боксчиси сифатида бемалол айта олади. Жошуа? Унда буни исботлаш учун имконият бўлган эди. Лекин у бу чорловни қабул қилмади. Энтони на мени ва на Тайсон Фьюрини мағлуб эта олади. Мен бунга аминман”, - деди Уайлдер.

Эслатиб ўтамиз, 1 декабрь куни АҚШнинг Лос-Анжелес шаҳрида Деонтей Уайлдер ва Тайсон Фьюри ўртасидаги чемпионлик жанги бўлиб ўтади.