09 июн 12:53
Янгиликлар
Футбол
Дешам Франция термаси мағлубиятига изоҳ берди
Франция терма жамоаси бош мураббийи Дешам ЕВРО-2020 саралаш босқич доирасида Туркия термасидан қабул қилинган мағлубият ҳақида гапирди.
Кеча Конье шаҳрида “Конья Буюкшеҳер” стадионида ўтказилган Туркия-Франция учрашвида мезбонлар 2:0 ҳисобида ғалаба қозонишди.
“Қачонки бутун жамоа шу тариқа ўйин кўрсатаркан, сен бу ўйиндан ўзинг учун керакли ҳеч нарса ололмайсан. Биз ўзимиз амалга оширишимиз мумкин бўлган ишни бажара олмадик, рақиб эса майдонда тўлиқ устунлик қилди. Сен жаҳон чемпионимисан ёки йўқми, натижага эришиш учун юксак савияда ўйин намойиш этишинг лозим.
Туркия термасини ҳақли ғалаба билан табриклайман. Биз ўзи ўйинимизни топишимиз керак”, дея Дешамнинг сўзларидан иқтибос келтирмоқда TF1.
Туркия терма жамоаси Н гуруҳида 9 очко жамғариб, биринчи поғонага кўтарилди. Французлар 6 очко билан иккинчи, худди шунча очко жамғарган Исландия термаси учинчи поғонада бормоқда.
Ҳавола :
Фикрлар