05 фев 17:35
Янгиликлар
Теннис
Дэвис Кубоги. Терма жамоамизнинг кейинги рақиби маълум
Бугун Ўзбекистон терма жамоаси Кимчхон шаҳрида теннис бўйича норасмий жаҳон чемпионати ҳисобланган Дэвис Кубогининг Осиё/Океания минтақаси 1-гуруҳидан ўрин олган баҳсда Жанубий Корея теннисчиларини 3:1 ҳисобида мағлуб этганди.
Терма жамоамизнинг бўлажак рақиби ҳам маълум бўлди. Ҳиндистон ва Янги Зеландия терма жамоалари ўртасида ўтказилган учрашув ҳам муддатидан аввал ниҳоясига етди.
Ҳиндистонлик теннисчилар 3:1 ҳисобида зафар қучиб, сўнгги баҳсга имкон қолдиришмади. Рамкумар Раманатан деярли қийинчиликсиз Фин Тернини 7:5, 6:1, 6:0 ҳисобида мағлуб этди.
Демак, Ўзбекистон терма жамоаси Дэвис Кубогининг навбатдаги босқичида Ҳиндистон теннисчиларини қабул қилади. Ушбу баҳс 7-9 апрель кунлари бўлиб ўтади.
Ҳавола :
Манба : olamsport.com
Фикрлар