27 апр 18:12
Янгиликлар

Бокс/ММА

Дейвесон Фигередо UFC 290 турнири иштирокчилари рўйхатидан чиқди

Собиқ UFC чемпиони Дейвесон Фигередо 8 июль куни Лас-Вегасда ўтказиладиган UFC 290 турнирида иштирок этмайди.

У Брэндон Моренога қарши ўтказиладиган жангда кўзини жароҳатлаб олганди. Фигередо UFC 290 турнирида Манель Капега қарши октагонга чиқиши лозим эди.

"Мени ҳамон жароҳат безовта қиляпти. Шунга қарамай, менежеримдан жанг беришларини сўрадим. Менга рақиб беришди. Лекин тиббий текширувдан ўтганимдан кейин шифокорлар жангга рухсат беришмади. Кўриш фоизи ҳали меъёрда эмас экан. Айниқса, машғулот ўтказган кунларим кўзимда муаммоларга юзага келмоқда. Офтальмологнинг тавсияси билан менга яна олти ойга тиббий четлатиш беришди", - деди бразилиялик аралаш яккакураш устаси MMA Fighting нашрига берган интервьюсида.