Дейвисон Фигередо ва Брэндон Морено ўртасидаги тўртинчи чемпионлик жанги муддатидан аввал якунланди

Ҳозиргина мусобақанинг co main event қарама-қаршилиги якунига етди. Унда ўта енгил вазн тоифасида бразилиялик чемпион Девисон Фигередо мексикалик вақтинчалик чемпион Брэндон Моренога қарши октагонга кўтарилди. Жанг тўртинчи раунд аввалида якунланди. Девисон Фигередо Моренонинг иккинчи раундда йўллаган зарбалари оқибатида кўзидан жароҳат олди ва шифокор Фигередога жангни давом эттиришга рухсат бермади. Шу тариқа, Морено ўта енгил вазнда чемпион деб топилди.

Таъкидлаш зарур, бу жанг икки спортчи учун мазкур лигадаги тўртинчиси бўлди. Биринчи жангда дуранг қайд этилган, иккинчисида эса Морено ғолиб бўлган. Ўтган йили ташкил этилган учинчи жангда эса Девисон Фигередо ғалаба қозониб, чемпионликни расмийлаштирган эди.