Диего Лопес танқидларга жавоб берди: "Нолишни бас қилинг!"

Лопес ўзини яна чемпонлик жанги ҳуқуқига эга деб ҳисоблайди ва потенциал рақобатчиларга камроқ шикоят қилиш ва кўпроқ ишлашни маслаҳат беради.

"Ҳамманинг йиғлаётганини кўргандаги юзим. Бекор ўтириб, чемпионлик жангини ололмайсан. Ишни бошлаш ва ижтимоий тармоқларда нолишни тўхтатиш вақти келди", - деб ёзди бразилиялик жангчи ижтимоий тармоққа жойлаган мамнун табассум ҳолатидаги сурати остида. 

Бир кун аввал Волкановски ва Лопес ўртасидаги чемпионлик жанги 31 январь куни Сиднейда бўлиб ўтадиган UFC 325 турнирининг асосий тўқнашуви бўлиши эълон қилинганди. Бу эса чемпионлик камари учун асосий даъвогарлар россиялик Мовсар Евлоев ва британиялик Лерон Мёрфини яна эътибордан четда қолдирганди.

Миш-мишларга кўра, бўлажак жанг 37 ёшли австралиялик учун октагондаги сўнгги жанг бўлади. Шундан сўнг у профессионал фаолиятини якунлаганини эълон қилади ва қўлқопларни михга илади.