14 мар 15:02
Янгиликлар

Теннис

Доҳа турнири бош соврини Грузияга кетадиган бўлди

Дунёнинг 42-ракеткаси бўлиб турган Николоз Басилашвили Қатар пойтахти Доҳа шаҳрида якунланган ATP турнири ғолибига айланди.

Грузиялик теннисчи ҳал қилувчи финал учрашувида рейтингнинг 13-поғонасидан жой олиб турган испаниялик Роберто Баутиста-Агутга қарши кортга чиқди. Бир дақиқаси кам бир ярим соат давом этган баҳсда Басилашвили 7/6(5), 6/2 ҳисобларида зафар қучди.

Финалда 29 ёшли Басилашвили 4 та, 32 яшар Баутиста-Агут эса 2 та эйс зарбасини амалга оширди. Николаз ўзаро учрашувларда илк бор Агутдан устун келди - 3:1. Qatar ExxonMobil Open турниридаги муваффақиятли иштирок Басилашвилига 250 рейтинг очкоси ҳамда 103,070 доллар мукофот пулини келтирди.