UFC Fight Night 266: Асосий жангга бўғиш усули билан нуқта қўйилди

Оқшомнинг асосий жангида америкалик 32 ёшли Марио Баутиста бразилиялик Винисиус Оливейрага қарши октагонга кўтарилди. Жангнинг иккинчи раундида Марио рақиби устидан бўғиш усули билан ғалаба қозонди. Жанг олдидан Баутиста ўта енгил вазн тоифаси рейтингда тўққизинчи, Оливейра эса ўн биринчи ўринни эгаллаб турганди.

Умар Нурмагомедовдан учралган мағлубиятдан кейин октагонга қайтган Баутиста дарҳол устунликни қўлга киритди. У тик ҳолатда яхши кўринди, рақибни партерда назорат қилди. Шу пайтгача UFC’да тўртта жангда тўртта ғалаба қозонган Оливейра эса асосан ҳимояланди.

Иккинчи раундда Баутиста партерда устунликни қўлга киритиб, дарҳол бўғиш усулини қўллади.