24 сен 08:19
Янгиликлар

Теннис

Доминик Тим St.Petersburg Open турнири ғолиби

Дунёнинг саккизинчи ракеткаси Доминик Тим Россиянинг Санкт-Петербург шаҳрида якунланган нуфузли теннис турнири ғолибига айланди.

Австриялик теннисчи 1 соату 8 дақиқа давом этган финал баҳсида ATP рейтингида 65-ўринни эгаллаб турган словакиялик Мартин Клижанни 6/3, 6/1 ҳисобида мағлуб этди. Бу унинг ёпиқ кортлардаги илк соврини бўлди.

Эътиборлиси, Доминик илк бор Мартинни мағлуб этишнинг уддасидан чиқди. Бундан аввалги учта учрашувда Клижаннинг қўли баланд келган эди. St.Petersburg Open турниридаги муваффақиятли иштирок Тимга 250 рейтинг очкоси ҳамда 209 645 долларни тақдим этди.