11 апр 16:20
Янгиликлар
Бокс/ММА
Дон Мур Мейвезер билан кўргазмали жанг ҳақида: "Менинг вақтим келди"
Америкалик боксчи Дон Мур афсонавий Флойд Мейвезерга қарши бўлажак кўргазмали жанги ҳақида фикр билдирди.
Мур Флойднинг кучли ва кучсиз тарафларини билишини айтди. Демак унда ғолиблик учун имконият бор.
"Мейвезерга қарши рингга чиқишдан хурсандман. Рожер Мейвезердан олган кўникмаларим эвазига Флойдга яхшигина муаммо туғдира оламан.
Қаттиқ шуғулландим. Мен Дон Мурнинг қандай эканлигини бутун дунёга кўрсатишга, Флойднинг барча камчиликларини очиб беришга тайёрман. Бу менинг имкониятим. Менинг вақтим келди. Мейвезер енгилмас, бироқ ҳар кимни мағлуб этиш мумкин", - дея Мурнинг сўзларини келтиради Fightnews.
Маълумот ўрнида, Мейвезер-Мур жанги 14 май куни Дубайда бўлиб ўтади.
Ҳавола :
Манба : isport.ua
Фикрлар