Дос Аньос Хабиб Махачевдан нимаси билан фарқ қилишини тушунтириб берди

"Менимча, улар бутунлай бошқа-бошқа жангчилар. Ислам - иқтидорли йигит ва жамоасидаги кўпчилик унинг чемпион бўлишига ишонади, лекин Хабиб умуман бошқача. Мен буни уларнинг ҳар иккиси билан машғулот ўтказган ва уларни жуда яхши биладиган одамларнинг фикрига асосланиб айтяпман.

Мен билдимки, Исламнинг Хабибдан кўра техникаси кучлироқ, лекин унинг физикаси яхши эмас. У қулай позицияни эгаллаб ўзини қутқаради. Бошқа томондан, Хабибда ҳамма нарса физикага мос келади.

Буни тушуниш учун уларга қаранг. Хабиб жанг ритмини ўрнатадиганлардан бири. У ҳар доим олдинга боради. Ислам кўпроқ техник жангчи, лекин кўп нарсани ошкор қилмайди», - дея дос Аньоснинг сўзларидан иқтибос келтиради ge.globo.com сайти.