28 авг 08:36
Янгиликлар

Дзюдо

Довурхон Караматов Паралимпия ўйинлари финалида!

Токио-2020 Паралимпия ўйинларининг парадзюдо баҳсларида яна бир юртдошимиз финал йўлланмасини қўлга киритди.

Эркаклар ўртасидаги беллашувларнинг -81 кг вазн тоифасида юртимиз шарафини ҳимоя қилаётган Довурхон Кароматов Паралимпия ўйинларининг олтин медали учун татамига чиқадиган бўлди. У чорак финалда кубалик Геррардо Родригесни иппон баҳоси билан енгди.

Бироз аввал якунига етган ярим финал учрашувида эса мексикалик Адриан Санчесдан устун келди. Энди Довурхон Паралимпия ўйинлари олтин медали учун озарбайжонлик Ҳусейн Раҳимлига қарши баҳс олиб боради.