04 мар 13:21
Янгиликлар

Теннис

Дунёнинг 9-ракеткаси Акапулькода бош мукофотга эга чиқди

Мексиканинг Акапулько шаҳрида теннис бўйича Abierto Mexicano Telcel турнири якунланди.

Мазкур мусобақада аргентиналик Хуан Мартин Дель Потро бош мукофотни қўлга киритиб, турнир чемпионига айланди. У ропа-роса 100 дақиқа давом этган финал учрашувида ЖАР вакили Кевин Андерсонни 6:4, 6:4 ҳисобида таслим этди.

Мексика турниридаги бир ҳафталик муваффақиятли иштирок дунёнинг тўққизинчи ракеткаси ҳисобланган Дель Потрога 354 130 доллар мукофот пули ҳамда 500 рейтинг очкосини келтирди.