Дунёнинг биринчи ракеткаси ўз уйидаги турнир финалига чиқди

Adelaide International турнирида финал иштирокчилари маълум бўлди. Сайёрамизнинг биринчи рақамли теннис маликаси Эшли Барти 88 дақиқа давом этган ярим финал учрашувида рейтингнинг 9-поғонасида бораётган польшалик Ига Свёнтекни мағлуб этди - 6/2, 6/4.

Баҳс давомида 25 ёшли Эшли 3 та брейк, 5 та эйс зарбасини ижро этди. 20 ёшли Ига эса 7 та эйс зарбани амалга оширди. Теннисчиларнинг ўзаро учрашувларидаги ҳисоб 2:0 кўринишига келди. Бугун Барти ўз уйида ўтказилаётган Adelaide International бош соврини учун қозоғистонлик Елена Рибакинага қарши кортга чиқади.