Дунёнинг биринчи ракеткаси Штутгартда тенгсиз бўлди

Соврин жамғармаси 585 минг еврони ташкил этувчи Porsche Tennis Grand Prix турнирининг ҳал қилувчи финал учрашувида дунёнинг биринчи рақамли теннис маликаси Эшли Барти WTA рейтингида 7-поғонадан жой олган беларуслик Арину Соболенкога қарши кортга чиқди. 

Яшил қитъа вакиласи 1 соату 48 дақиқа давом этган баҳсда 3/6, 6/0, 6/3 ҳисобларида зафар қучди. Эшли 5 та, Арина эса 3 та эйс зарбасини ижро этган. Теннисчиларнинг ўзаро учрашувларида Барти ҳисобда олдинга чиқиб олди - 4:3. 

Штутгартдаги муваффақиятли иштирок Эшлига 55,300 евро мукофот пули ҳамда 470 рейтинг очкосини тақдим этди. Бу унинг мавсумдаги учинчи, фаолиятидаги 11-соврини бўлди. Соболенко эса 41,141 евро ҳамда 305 очкога эга бўлди.