07 янв 08:36
Янгиликлар

Теннис

Дунёнинг биринчи ракеткаси Хитойда тенгсиз бўлди

Хитойнинг Шэнчьжен шаҳри мезбонлик қилган йилнинг дастлабки WTA таснифидаги турнири якунланди.

Мусобақада дунёнинг биринчи ракеткаси Симона Халеп бош мукофотни қўлга киритди. Руминиялик теннисчи ҳал қилувчи финал учрашувида дунё рейтингида 47-ўринни эгаллаб турган чехиялик Катержина Синьяковага қарши кортга чиқди.

Бир соату 13 дақиқа давом этган баҳсда Халеп 6:1, 2:6, 6:0 ҳисобида зафар қучди. Ушбу ғалаба Симонага 163 минг 260 доллар мукофот пули ҳамда 280 рейтинг очкосини тақдим этди. Икки теннисчи ўртасидаги ўзаро учрашувлардаги ҳисоб эса тенглашди - 1:1.