Дунёнинг иккинчи ракеткаси "Paris Masters"даги иштирокини якунлади

Кутилмаганда дунёнинг иккинчи ракеткаси Rolex Paris Masters турнирининг учинчи даврасида ATP рейтингида 18-ўринни эгаллаб турган франциялик Уго Умберга 1/6, 6/3, 5/7 ҳисобида имкониятни бой бериб қўйди. Умбер теннисчиларнинг ўзаро учрашувларида илк бор Алькаразни мағлубиятга учратди - 1:2.     

Икки соату 19 дақиқа давом этган баҳсда Алькараз 7, Умбер 8 та эйс зарбасини амалга оширди. Қўшхатолар Карлосда кўпроқ бўлди 5 га 3. Брейклар бўйича Уго 3 га 1 кўринишида устунликка эришди. Энди мезбонлар вакили 1/4 финалда Жордан Томпсонга қарши кортга чиқади. Дунёнинг 28-ракеткаси бўлиб турган австралиялик теннисчи учинчи босқичда франциялик Адриан Маннаринони таслим этди - 7/5, 7/6(5).