Дурдона Қурбонова кузатган Шоҳжаҳон Эргашев ва Одилхон Камолов иштирокидаги жангларда қандай натижа қайд этилди?

Оқшомнинг марказий жангида турнир бош ташкилотчиси, таниқли чарм қўлқоп устамиз, супер енгил вазн тоифасида IBF камари учун собиқ даъвогар Шоҳжаҳон Эргашев Ҳиндистон вакили Гурприт Сингҳга қарши рингга кўтарилди. Жанг кутилганидек, биринчи раунддаёқ Эргашевнинг техник нокаутли ғалабаси билан якунланди. 

Хабар берганимиздек, ушбу бокс турнирида таниқли поп ММА жангчиси Одилхон Камалов ҳам бокс қоидалари асосида жанг ўтказди. У бу жангини ижтимоий тармоқда Шоҳжаҳон Эргашевга мурожаат қилиб, сўраб олганди. Боксчимиз Одилхоннинг сўровини қабул қилди ва унга жанг берди. Камалов Шерхон Раҳматовни тўлиқ давом этган жангда очколар ҳисобига кўра таслим этди.

Бокс жангларини фахрий меҳмон сифатида блогер-актриса Дурдона Қурбонова, қўшиқчи Машҳур Муҳаммад кузатиб борди.